დედა

– ალო, გიორგი შენ ხარ?
– კი.
– გაკვეთილები გააკეთე?
– არა, ზუსად ახლა ვურეკავდი ჯემას, რომ გამეგო მათემატიკაში რა მოგვცეს.
– ისევ გააცდინე სკოლა დღეს?
– არა, მარა მათემატიკაზე მე და ლევანი არ შევედით.
– რამდენჯერ გითხარი,  დამიჯერე-მეთქი. მეორედ ასე არ მოიქცე!
– კარგი…

…ასე დაიწყო ერთი უცანური ნაცნობობა დიდი ხნის წინ. 12-ის ვიყავი ალბათ, შეიძლება – ცამეტის. ზუსტად არ მახსოვს. ამ დიალოგის მერე ყოველთვის მირეკავდა. მეკითხებოდა როგორ ვიქცევი, რას ვაკეთებ. რამეს ხომ არ ვაშავებ. მახსენდება, ქალაქის მეორე ბოლოში ცხოვრობდა. ვაზისუბანში ან სულაც – ვარკეთილში. შორს რომ იყო ჩემგან ზუსტად ვიცი.

ისიც ვიცი, რომ ყოველ დღე სხვადასხვა დროს, მაგრამ ყოველთვის საღამოს, რაღაც ავადმყოფური აზარტით ველოდებოდი მის ზარს. თამუნა ერქვა და ჩემზე დიდი იყო. დედა დამიძახეო ერთხელ ასე მითხრა. თუმცა, ჩემი მშობლებისხელა არ იყო.

ვუყვებოდი, როგორ ვიქცეოდი სკოლაში, ვინ გამომიძახა – რა ნიშანი მივიღე. მეკითხებოდა ეზოში რას ვაკეთებდი და მეც დიდი მონდომებით ვუამბობდი ხოლმე წიკოზე, დიტოზე, ზოგჯერ მაგდაზე და ჯემაზე, თეონაზე და ირინაზე. გოგოებზე საუბარი მახსოვს მაინცდამაინც არ მოსწონდა. ეჭვიანობდა.

ჩვენი დიალოგი კარგა ხანი გრძელდებოდა. დიდი ხსნის განმავლობაში. ბოლოს კი ისევე უცნაურად დამთავრდა, როგორც დაიწყო. არ დარეკა. მეც აღარ მივაქციე ყურადღება.

ახლა იმ ბინაში აღარ ვცხოვრობ. შეიძლება ჩვენი ბოლო დიალოგის შემდეგ აეკრიფა ჩემი ნომერი. შეიძლება – არც. მაგრამ მე ის არასოდეს დამავიწყდება.

Advertisements

2 thoughts on “დედა

  1. hehe
    da ase shemtxvevit rogor moxvda shentan eg ar gagirkveviat?
    me 5-6 wlis viyavi roca ragac nomeri amovicheme da sul vrekavdi, iq vigac bebias velaparakebodi da isic mteli gulit da sitboti miyveboda ragaceebs, mayolebda mec..
    1 weli ase iyo periodulad. kvirashi ramdenjerme
    mere ar maxsovs rodis da ratom da rogor, magram es darekva shevwyvite.. albat cota gavizarde da imitom

    axlaxans, roca chemi saxsovrebis yuts valagebdi, zvel furcelze chanishnuli vipove telefonis nomeri da saxeli, vicani, gamaxsenda, davreke da gardacvlili agmochnda. guli damwyda.
    yoveltvis sasiamovnod maxsendeba :)

კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s